കണ്ണൂർ: നിലവിലെ കെപിസിസി അധ‍്യക്ഷനും വരുന്ന നിയമസഭാ തെരഞ്ഞെടുപ്പിൽ പേരാവൂരിൽ നിന്നും മത്സരിക്കുന്ന സണ്ണി ജോസഫിന്‍റെ സഹോദരൻ ഷാജി ജോസഫ് ബിജെപിയിൽ ചേർന്നു.

സദാനന്ദ് ഷെട്ട് താനേവാദ് എംപിയും അഴിക്കോട് മണ്ഡലം ബിജെപി സ്ഥാനാർഥി കെ.കെ. വിനോദ് കുമാറും ചേർന്ന് അദ്ദേഹത്തെ പാർട്ടിയിലേക്ക് സ്വീകരിച്ചു.

കഴിഞ്ഞ ദിവസം ബിജെപി സംസ്ഥാന അധ‍്യക്ഷൻ രാജീവ് ചന്ദ്രശേഖർ പങ്കെടുത്ത അദാലത്തിൽ ഷാജി പങ്കെടുത്തിരുന്നു. സണ്ണി ജോസഫ് പേരാവൂരിൽ മത്സരിക്കുമെന്ന് പ്രഖ‍്യാപിച്ചതിനു പിന്നാലെയാണ് ഷാജി ജോസഫ് ബിജെപി‍യിൽ‌ ചേർന്നിരിക്കുന്നത്.