കണ്ണൂർ: അമ്മയെയും രണ്ട് മക്കളെയും മരിച്ച നിലയിൽ കണ്ടെത്തി. കണ്ണൂരിലെ മീൻകുന്നിലാണ് സംഭവം. ഭാമ, മക്കളായ ശിവനന്ദ് (14), അശ്വന്ത് (9) എന്നിവരാണ് മരിച്ചത്. വ‍്യാഴാഴ്ച രാത്രിയോടെ തന്നെ മൂവരെയും കാണാതായിരുന്നു.

തുടർന്ന് വെള്ളിയാഴ്ച രാവിലെയാണ് ഇവരുടെ മൃതദേഹം വീടിനു സമീപത്തുള്ള കിണറ്റിൽ നിന്നും കണ്ടെത്തിയത്. ആത്മഹത‍്യയാണെന്നാണ് പ്രാഥമിക നിഗമനം.

ഏറെകാലമായി ഭർത്താവുമായി വേർപിരിഞ്ഞ് കഴിയുന്ന ഭാമ മാനസിക വെല്ലുവിളി നേരിടുന്നയാളാണെന്നാണ് വിവരം. മൃതദേഹം കിണറ്റിൽ നിന്നും പുറത്തെത്തിക്കാനുള്ള ശ്രമം തുടരുകയാണ് പൊലീസ്.