പാലക്കാട്: വരുന്ന നിയമസഭാ തെരഞ്ഞെടുപ്പിൽ പാലക്കാട് മണ്ഡലത്തിലെ ബിജെപി സ്ഥാനാർഥിയായ ശോഭാ സുരേന്ദ്രനെ വിജയിപ്പിക്കാൻ ബിജെപി- സിപിഎം ഡീലുണ്ടെന്ന പ്രതിപക്ഷ നേതാവ് വി.ഡി. സതീശന്‍റെ ആരോപണം തള്ളി സിപിഎം സംസ്ഥാന സെക്രട്ടറി എം.വി. ഗോവിന്ദൻ.

സതീശന്‍റെ ആരോപണം അസംബന്ധമാണെന്നു പറഞ്ഞ ഗോവിന്ദൻ‌ എട്ടും ഒൻപതും നുണയാണ് സതീശൻ ഓരോ ദിവസവും പറയുന്നതെന്നും നുണ പറയുന്നതിനുള്ള നൊബേൽ സമ്മാനം ലഭിക്കാൻ ഓരോന്ന് പറഞ്ഞുകൊണ്ടിരിക്കുകയാണെന്നും കൂട്ടിച്ചേർത്തു. സതീശന്‍റെ പരാമർശത്തോട് പ്രതികരിക്കേണ്ടതില്ലെന്നും ഗോവിന്ദൻ പറഞ്ഞു.