ഇടുക്കി: സംസ്ഥാനത്ത് മഴ കനക്കുന്ന സാഹചര്യത്തിൽ വിവിധ ജില്ലകളിലെ ഗതാഗത സർവീസുകൾക്ക് നിയന്ത്രണം. ശക്തമായ മഴയും കാറ്റും മൂലം അപകടങ്ങളുണ്ടാവാനുള്ള സാധ്യത കണക്കിലെടുത്ത് ഇടുക്കിയിൽ രാത്രിയാത്ര നിരോധിച്ചു. രാത്രി 7 മുതൽ രാവിലെ 6 വരെ ഇടുക്കിയിലേക്കും പുറത്തേക്കുമുള്ള യാത്രകൾക്ക് നിയന്ത്രണമേർപ്പെടുത്തിയതായി ജില്ലാ കലക്‌ടർ ഷീബ ജോർജ് അറിയിച്ചു.

കണ്ണൂരിലും രാത്രികാലങ്ങളിലുള്ള മലയോര മേഖലകളിലേക്ക് അവശ്യ സർവീസുകൾക്ക് മാത്രമേ അനുമതി നൽകൂ. ജൂലൈ 7 വരെ ക്വാറികളുടെ പ്രവർത്തനങ്ങൾ നിർത്തിവയ്ക്കാനും കലക്‌ടർ നിർദേശം നൽകി. കോഴിക്കോടും ക്വാറികളുടെ നിർത്തിവയ്ക്കാൻ കലക്‌ടർ ആവശ്യപ്പെട്ടിട്ടുണ്ട്.