കൊച്ചി: എറണാകുളം കോതാട് തെരുവുനായ കുറുകെ ചാടി ബൈക്ക് യാത്രികന് ദാരുണാന്ത്യം. എറണാകുളം മൂലമ്പള്ളി സ്വദേശി സാൾട്ടൻ (23) ആണ് മരിച്ചത്. വെള്ളിയാഴ് രാവിലെ എഴുമണിയോടെയായിരുന്നു അപകടം.
നായ കുറുകെ ചാടിയതിനെ തുടർന്ന് നിയന്ത്രണം തെറ്റിയ ബൈക്ക് ടാങ്കർ ലോറിയുടെ അടിയിൽപ്പെടുകയായിരുന്നു. സംഭവസ്ഥലത്തു തന്നെ മരണം സ്ഥിരീകരിച്ചു. മൃതദേഹം എറണാകുളം ജനറൽ ആശുപത്രിയിലേക്ക് മാറ്റി.