കൊച്ചി: കനത്ത മഴയിൽ അങ്കമാലി ഫയർഫോഴ്സ് ഓഫീസിന് മുകളിലേക്ക് മരം വീണു. ഓഫീസിനോട് ചേർന്നുള്ള മെസിന് മുകളിലേക്കാണ് മരം വീണത്. ചൊവ്വാഴ്ച രാവിലെയായിരുന്നു സംഭവം. ഈ സമയം, മെസിൽ ആളുകൾ ഇല്ലാതിരുന്നതിനാൽ വന് ആപകടമാണ് ഒഴിവായതെന്നും അപകടത്തിൽ ആർക്കും പരുക്കില്ലെന്നും അതികൃതർ അറിയിച്ചു. പിന്നീട് ജെസിബി എത്തിച്ചാണ് മരം നീക്കം ചെയ്തത്.
അതേസമയം, സംസ്ഥാനത്ത് ബുധനാഴ്ച വൈകിട്ടുവരെ അതിതീവ്ര മഴ തുടരുമെന്ന് മുന്നറിയിപ്പു നൽകി കേന്ദ്രകാലാവസ്ഥ വകുപ്പ്.
മുന്നറിയിപ്പുകളുള്ള ജില്ലകൾ:
ഓറഞ്ച് അലർട്ട്
17-07-2024: മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ്
18-07-2024: കോഴിക്കോട്, കണ്ണൂർ, കാസർഗോഡ്
19-07-2024: കണ്ണൂർ, കാസർഗോഡ്
യെലോ അലർട്ട്
17-07-2024: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്
18-07-2024: എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, വയനാട്
19-07-2024: എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്
20-07-2024: കോഴിക്കോട്, കണ്ണൂർ, കാസർഗോഡ്