കൊച്ചി: സിഎംആർഎൽ-എക്സാലോജിക് സാമ്പത്തിക ഇടപാടുകളുമായി ബന്ധപ്പെട്ട മാസപ്പടി കേസിൽ വീണ വിജയന്‍റെ ചോദ്യം ചെയ്യൽ പൂർത്തിയായി. എട്ടു മണിക്കൂറിലധികം ഇഡി ഓഫീസിൽ നീണ്ട ചോദ്യം ചെയ്ത ശേഷം വീണ മടങ്ങി. മാധ്യമങ്ങളുടെ ചോദ്യങ്ങളോട് വീണ പ്രതികരിച്ചില്ല.

ബുധനാഴ്ച രാവിലെ 10:30-ഓടെ ഭർത്താവും എംഎൽഎയുമായ പി.എ. മുഹമ്മദ് റിയാസിനൊപ്പമാണ് വീണ ഇഡി ഓഫീസിലെത്തിയത്. 11 മണിയോടെയായിരുന്നു ചോദ്യം ചെയ്യൽ ആരംഭിച്ചത്.

നേരത്തെ ജൂൺ 12 ന് ഹാജരാകാൻ ഇഡി നിർദേശിച്ചിരുന്നെങ്കിലും ആരോഗ്യപ്രശ്‌നങ്ങൾ ചൂണ്ടിക്കാട്ടി വീണ എത്തിയിരുന്നില്ല. തുടർന്ന് ബുധനാഴ്ച ഹാജരാവാൻ ഇഡി വീണ്ടും നോട്ടീസ് നൽകുകയായിരുന്നു.