കണ്ണൂർ: കണ്ണാടിപ്പറമ്പ് ചേലേരി മുക്കിൽ പ്രസവത്തിനിടെ യുവതി മരിച്ചു. അസം സ്വദേശിനി ജെസ്വീന വെളളിയാഴ്ച രാവിലെയാണു മരിച്ചത്. ഭർത്താവിന്‍റെ ബന്ധുക്കളായ സ്ത്രീകളുടെ സഹായത്തോടെയാണ് യുവതി വാടക മുറിയിൽ പ്രസവിച്ചത്.

പ്രസവത്തിന് പിന്നാലെ യുവതി അബോധാവസ്ഥയിൽ ആവുകയായിരുന്നു. ആശുപത്രിയിലെത്തിച്ചെങ്കിലും രക്ഷിക്കാൻ സാധിച്ചില്ല. കുഞ്ഞിനെ പരിയാരം മെഡിക്കൽ കോളെജ് ആശുപത്രിയിലേക്കു മാറ്റി. പൊലീസ് കേസെടുത്തിട്ടുണ്ട്.