തിരുവനന്തപുരം: കാസർഗോഡ് ഗവണ്മെന്റ് നഴ്സിംഗ് സ്കൂളിലെ നഴ്സിംഗ് വിദ്യാർഥിനികളോട് ശിശു രോഗ വിദഗ്ദ്ധൻ അപമര്യാദയായി പെരുമാറിയതിൽ പ്രതിഷേധിച്ച് കെജിഎസ്എൻഎ. കാഞ്ഞങ്ങാട് ജില്ല ആശുപത്രിയിൽ ജോലി ചെയ്തിരുന്ന ശിശു രോഗ വിദഗ്ദ്ധനായിരുന്ന ഡോ: അഭിലാഷാണ് നഴ്സിംഗ് വിദ്യാർഥിനികളോട് അപമര്യാദയായി പെരുമാറിയത്.
ഡോക്ടറെ സർവിസിൽ നിന്ന് സസ്പെൻഡ് ചെയ്യണമെന്ന് ആവശ്യപ്പെട്ട് കെജിഎസ്എൻഎ എംസിഎച്ച് യൂണിറ്റ് ഡിഎച്ച്എസിനു മുന്നിൽ നിന്നും ഡിഎംഒ ഓഫീസിലേക്ക് മാർച്ച് നടത്തി. ജില്ലാ പ്രസിഡൻ്റ് സ.വിജിഷ്ണയുടെ അധ്യക്ഷതയിൽ ജില്ല സെക്രട്ടറി സ.അനിൽകുമാർ സ്വാഗതം പറഞ്ഞു. കെജിഎൻഎ സംസ്ഥാന ജനറൽ സെക്രട്ടറി സ.സുബ്രഹ്മണ്യൻ ഉദ്ഘാടനം ചെയ്തു.
കെ ജി എൻ എ സംസ്ഥാന പ്രസിഡൻ്റ് സ .നിഷ ഹമീദ് ,സംസ്ഥാന വൈസ് പ്രസിഡൻ്റ് സ.ഹമീദ്, കെജിഎസ്എൻഎ സ്റ്റേറ്റ് പ്രസിഡന്റ് സ.ഐശ്വര്യ എന്നിവർ അഭിവാദ്യം ചെയ്ത് സംസാരിച്ചു. എംസിഎച്ച് യൂണിറ്റ് സെക്രട്ടറി സ.അഭിഷേക് നന്ദി അറിയിച്ചു. പ്രസ്തുത പരിപടിയിൽ എംസിഎച്ച് യൂണിറ്റും ജിഎച്ച് യൂണിറ്റും പങ്കെടുത്തു.