റായ്ഗഡ്: റോഹയിലെ കെമിക്കൽ ഫാക്ടറിയിലുണ്ടായ സ്‌ഫോടനത്തിൽ മരിച്ച തൊഴിലാളികളുടെ എണ്ണം 3 ആയി. മൂന്ന് പേർക്ക് പരുക്കേറ്റിട്ടുണ്ട്. ധാതൗവിലെ സാധനാ നൈട്രോ കെം ലിമിറ്റഡിൽ വ്യാഴാഴ്ച രാവിലെ 11.15 നാണ് അപകടം നടന്നത്. സ്ഫോടനം നടന്ന ടാങ്കിന് 10 അടി ഉയരമുണ്ട്. തൊഴിലാളികൾ ടാങ്കിന്‍റെ മുകൾ ഭാഗത്ത് ജോലി ചെയ്യുകയായിരുന്നു.

ദിനേശ് കുമാർ (32), സുർജിത് കുമാർ (21), ബോക്ഷി യാദവ് (45) എന്നിവരാണ് മരിച്ചത്, അതേസമയം ചികിത്സയിലുള്ള മൂന്ന് പേർ നിലേഷ് ഭഗത് (35), അനിൽ മിശ്ര (45), സത്യേന്ദ്ര യാദവ് (40) എന്നിവരെ തിരിച്ചറിഞ്ഞു.

നിലവിൽ അപകട മരണ റിപ്പോർട്ട് രജിസ്റ്റർ ചെയ്തിട്ടുണ്ട്. ഉടൻ തന്നെ എഫ്ഐആർ രജിസ്റ്റർ ചെയ്യുമെന്ന് ഡെപ്യൂട്ടി പോലീസ് സൂപ്രണ്ട് (റോഹ ഡിവിഷൻ) രവീന്ദ്ര ദൗണ്ട്കർ പറഞ്ഞു.