ചെ​ന്നൈ: ത​മി​ഴ്നാ​ട്ടി​ൽ നാ​ലു വ​ർ​ഷ​ത്തി​നി​ടെ കാ​ട്ടാ​ന​ക​ളു​ടെ എ​ണ്ണം വ​ർ​ധി​ച്ചെ​ന്ന് സെ​ൻ​സ​സ് റി​പ്പോ​ർ​ട്ട്. 2017ൽ 2761 ​കാ​ട്ടാ​ന​ക​ളാ​ണു​ണ്ടാ​യി​രു​ന്ന​ത്. ഇ​പ്പോ​ഴ​ത് 2961 ആ​യി ഉ​യ​ർ​ന്നെ​ന്നു വ്യ​ക്ത​മാ​ക്കു​ന്ന സെ​ൻ​സ​സ് റി​പ്പോ​ർ​ട്ട് മു​ഖ്യ​മ​ന്ത്രി എം.​കെ. സ്റ്റാ​ലി​ൻ പു​റ​ത്തു​വി​ട്ടു.

കേ​ര​ളം, ക​ർ​ണാ​ട​ക, ത​മി​ഴ്നാ​ട് വ​ന​ങ്ങ​ളി​ൽ സം​യു​ക്ത​മാ​യി മേ​യ് 17 മു​ത​ൽ 19 വ​രെ​യാ​യി​രു​ന്നു കാ​ട്ടാ​ന സെ​ൻ​സ​സ്. സം​സ്ഥാ​ന സ​ർ​ക്കാ​ർ സ്വീ​ക​രി​ച്ച നി​ര​വ​ധി ന​ട​പ​ടി​ക​ളാ​ണ് ആ​ന​ക​ളു​ടെ എ​ണ്ണം വ​ർ​ധി​ക്കാ​നി​ട​യാ​ക്കി​യ​തെ​ന്നും മു​ഖ്യ​മ​ന്ത്രി.

സം​സ്ഥാ​ന​ത്തെ 26 വ​നം ഡി​വി​ഷ​നു​ക​ളി​ൽ മു​തു​മ​ല ക​ടു​വ സ​ങ്കേ​ത​മാ​ണ് ആ​ന​ക​ളു​ടെ എ​ണ്ണ​ത്തി​ൽ മു​ന്നി​ൽ.

അതേസമയം, കേരളത്തിൽ കാട്ടാനകളുടെ എണ്ണത്തിൽ കുറവ് വന്നതായി നേരത്തെ റിപ്പോർട്ടുകളുണ്ടായിരുന്നു. കേരളത്തിൽനിന്ന് ആനകൾ തമിഴ്നാട്ടിലെയും കർണാടകയിലെയും വനങ്ങളിലേക്കു കടക്കുന്നതാണ് ഇതിനു കാരണമെന്ന വാദത്തിന് തമിഴ്നാടിന്‍റെ കണക്ക് പുറത്തുവന്നതോടെ ശക്തിയേറുകയാണ്.

ദീർഘദൂരം സഞ്ചരിക്കുന്നത് കാട്ടാനക്കൂട്ടങ്ങളുടെ പതിവാണ്. കാലാവസ്ഥയിൽ വരുന്ന മാറ്റങ്ങൾക്കനുസരിച്ച് നല്ല ഭക്ഷണവും വെള്ളവും കിട്ടുന്ന സ്ഥലങ്ങളിലേക്ക് ആനകൾ ഒറ്റയ്ക്കും കൂട്ടത്തോടെയും സഞ്ചരിക്കാറുണ്ട്.