ന്യൂഡല്‍ഹി: 2026 ഓഗസ്റ്റ് 15 മുതല്‍ ന്യൂ​ഡ​ൽ​ഹി​യി​ൽ പെട്രോള്‍, ഡീസല്‍, സിഎന്‍ജി (കംപ്രസഡ് നാച്വറല്‍ ഗ്യാസ്) ഇരുചക്ര വാഹനങ്ങള്‍ നിരാധിച്ചേക്കുമെന്നു സൂചന. ന്യൂ​ഡല്‍ഹിയുടെ ഇലക്‌​ട്രിക് വെഹിക്കിള്‍ പോളിസി 2.0 കരട് റിപ്പോര്‍ട്ടിന് പച്ചക്കൊടി ലഭിച്ചാല്‍ ഫോസില്‍ ഇന്ധനങ്ങള്‍ ഉപയോഗിക്കുന്ന ഇരുചക്ര വാഹനങ്ങള്‍ നിരോധിക്കുമെന്നാണ് റിപ്പോര്‍ട്ട്.

2027 ആകുമ്പോഴേക്കും ന്യൂ​ഡല്‍ഹിയിലെ 95% വാഹനങ്ങളും ഇലക്‌​ട്രിക് വാഹനങ്ങളാക്കുക എന്നതാണ് ഇതിലൂടെ ലക്ഷ്യമിടുന്നത്. ഇന്ത്യയുടെ ഏറ്റവും വലിയ ഇരുചക്രവാഹന നിര്‍മാതാക്കളായ ഹീറോ, ബജാജ് തുടങ്ങിയ കമ്പനികള്‍ക്ക് ഈ തീരുമാനം തിരിച്ചടിയാണ്. ന്യൂ​ഡല്‍ഹിയില്‍ ഹീറോ സ്‌പ്ലെന്‍ഡര്‍ ഏറ്റവും കൂടുതല്‍ വില്‍ക്കുന്ന ടുവീലറുകളില്‍ ഒന്നാണ്. ഏതാനും മാസങ്ങള്‍ക്കു മുന്‍പാണ് ബജാജ് ഫ്രീഡം എന്ന ബ്രാന്‍ഡില്‍ സിഎന്‍ജി ടുവീലര്‍ വിപണിയിലിറക്കിയത്. ന്യൂ​ഡല്‍ഹിയില്‍ ഇതിന്‍റെ വില്‍പ്പന നല്ല രീതിയില്‍ മുന്നേറുന്നുമുണ്ട്.

കരട് ഇലക്‌​ട്രിക് വെഹിക്കിള്‍ നയം 2.0 പ്രകാരം ഈ വര്‍ഷം ഓഗസ്റ്റ് 15 മുതല്‍ സിഎന്‍ജി ഓട്ടൊറിക്ഷ രജിസ്‌ട്രേഷന്‍ അനുവദിക്കില്ല. ഈ വര്‍ഷം ഓഗസ്റ്റ് 15 മുതല്‍ സിഎന്‍ജി ഓട്ടൊ പെര്‍മിറ്റുകള്‍ പുതുക്കില്ല. അത്തരം എല്ലാ പെര്‍മിറ്റുകളും ഇ-ഓ​ട്ടൊ പെര്‍മിറ്റുകളാക്കി മാറ്റണം. ന്യൂ​ഡല്‍ഹിയിലെ റോഡുകളില്‍ നിന്ന് സിഎന്‍ജിയില്‍ പ്രവര്‍ത്തിക്കുന്ന ഓട്ടൊ​റിക്ഷകള്‍ ഘട്ടം​ഘട്ടമായി നീക്കം ചെയ്യുക എന്നതാണ് കരട് നയത്തിലെ പ്രധാന ശുപാര്‍ശകളി​ലൊന്ന്. അതേസമയം, മന്ത്രിസഭ അംഗീകാരം നല്‍കുന്ന വേളയില്‍ കരട് നയത്തിന് മാറ്റങ്ങള്‍ വന്നേക്കാം. പ്രത്യേകിച്ച് ഇരുചക്ര വാഹനങ്ങളുമായി ബന്ധപ്പെട്ട കാര്യത്തില്ലെന്നും റിപ്പോർട്ടുണ്ട്.