ഹേമ കമ്മിറ്റി റിപ്പോർട്ടിന്റെ അടിസ്ഥാനത്തിൽ കേസെടുക്കാനുളള കേരള ഹൈക്കോടതി വിധിക്ക് സ്റ്റേ നൽകാതെ സുപ്രീംകോടതി. ഹൈക്കോടതി ഉത്തരവിന്റെ അടിസ്ഥാനത്തില് പ്രത്യേക അന്വേഷണ സംഘം സ്വീകരിക്കുന്ന നടപടികള് അടിയന്തരമായി സ്റ്റേ ചെയ്യണമെന്ന നിര്മ്മാതാവ് സജിമോന് പാറയിലിന്റെ ഹര്ജിയിലെ ആവശ്യം കോടതി അംഗീകരിച്ചില്ല. ഹര്ജിയില് സംസ്ഥാന സര്ക്കാരിന് സുപ്രീംകോടതി നോട്ടീയസച്ചു.
സജിമോൻ പാറയിൽ നൽകിയ ഹർജി മൂന്നാഴ്ചയ്ക്ക് ശേഷം പരിഗണിക്കും. ഇതുമായി ബന്ധപ്പെട്ട് സംസ്ഥാന സർക്കാറിന് സുപ്രീം കോടതി നോട്ടീസയച്ചിട്ടുണ്ട്. ഹൈക്കോടതി ഉത്തരവിന്റെ അടിസ്ഥാനത്തിൽ പ്രത്യേക അന്വേഷണ സംഘം സ്വീകരിക്കുന്ന നടപടികൾ അടിയന്തരമായി സ്റ്റേ ചെയ്യണമെന്നാണ് സുപ്രീം കോടതിയിൽ നൽകിയ ഹർജിയിൽ ആവശ്യപ്പെട്ടിരുന്നത്.
നേരത്തേ ഹേമ കമ്മിറ്റി റിപ്പോര്ട്ടിലുള്ള മൊഴികളുടെ അടിസ്ഥാനത്തില് കേസ് രജിസ്റ്റര് ചെയ്ത് അന്വേഷണം നടത്താന് ജസ്റ്റിസുമാരായ ജയശങ്കര് നമ്പ്യാര്, സി.എസ്. സുധ എന്നിവര് അടങ്ങിയ ഹൈക്കോടതി ബെഞ്ചാണ് ഉത്തരവിട്ടിരുന്നത്. എന്നാല്, അന്വേഷണം നടത്തുന്ന വേളയില് പരാതിക്കാരുടെ പേരുകള് പരസ്യപ്പെടുത്തരുതെന്നു ഹൈക്കോടതി നിര്ദേശിച്ചിരുന്നു. ആരോപണവിധേയര്ക്ക് കേസിന്റെ അന്തിമ റിപ്പോര്ട്ട് ഫയല് ചെയ്യുന്നത് വരെ എഫ്ഐആര് ഉള്പ്പടെയുള്ള രേഖകള് കൈമാറരുതെന്നും ഹൈക്കോടതി നിര്ദേശിച്ചിരുന്നു. ഈ ഉത്തരവ് ചോദ്യം ചെയ്താണ് സുപ്രീം കോടതിയില് ഹര്ജി നല്കിയത്.
ഹേമ കമ്മിറ്റിക്ക് മുമ്പാകെ പീഡന പരാതി നല്കിയിരുന്ന പലരും അന്വേഷണവുമായി സഹകരിക്കുന്നില്ലെന്ന് പ്രത്യേക അന്വേഷണ സംഘം ഹൈക്കോടതിയെ അറിയിച്ചിരുന്നു. മൊഴി നല്കാന് പരാതിക്കാരുടെ മേല് പ്രത്യേക അന്വേഷണ സംഘം സമ്മര്ദം ചെലുത്തരുതെന്നും ഹൈക്കോടതി നിര്ദേശിച്ചിരുന്നു. പരാതിക്കാര് സഹകരിച്ചില്ലെങ്കില് പ്രത്യേക അന്വേഷണ സംഘത്തിന് നിയമപരമായ നടപടി സ്വീകരിക്കാമെന്നും ഹൈക്കോടതി വ്യക്തമാക്കിയിരുന്നു.