ന്യൂഡൽഹി: രാജ്യമെങ്ങും ദീപാവലി ആഘോഷിക്കുന്നതിനിടെ ഇന്ത്യ-ചൈന അതിർത്തിയിൽ നിന്നും സന്തോഷമുള്ള ചിത്രം പങ്കുവച്ച് സൈന്യം. കിഴക്കൻ ലഡാക്കിൽ മധുരം പങ്കിടുന്ന ഇന്ത്യ-ചൈന സൈനികരുടെ ചിത്രമാണ് പുറത്തുവന്നിരിക്കുന്നത്. ദെംചോക്ക് ദെപ് സാംഗ് മേഖലകളിലെ പിന്മാറ്റത്തിന്റെ പശ്ചാത്തലത്തിലാണ് ദീപാവലി ദിനത്തില് ഇരുസേനകളും മധുരം പങ്കിട്ടത്.
ഈ പ്രദേശത്ത് പട്രോളിംഗ് നടപടികള് തുടങ്ങാനും ധാരണയായിട്ടുണ്ട്. സേനാ പിന്മാറ്റം മോദി ഷി ജിന് പിംഗ് ചര്ച്ചയുടെ വിജയമാണെന്ന് ഇന്ത്യയിലെ ചൈനീസ് അംബാസിഡര് സൂ ഫെയ് സോങ് പ്രതികരിച്ചു. അഭിപ്രായ വ്യത്യാസങ്ങള് സ്വാഭാവികം മാത്രമാണെന്നും വ്യാപാരബന്ധമടക്കം പൂര്വ സ്ഥിതിയിലാകുമെന്നും സൂഫെയ്സോങ് അറിയിച്ചു.