ദുബായ്: ദുബായിലെ എഫ് സോണിലെ പാർക്കിങ് നിരക്ക് വർധിപ്പിച്ചതായി പൊതു പാർക്കിങ് ഓപ്പറേറ്ററായ പാർക്കിൻ പിജെഎസ്‌സി അറിയിച്ചു. ഈ മാസം ഒന്നിന് നിരക്ക് വർധന നിലവിൽ വന്നു. പുതിയ നിരക്ക് സോൺ എഫിലെ എല്ലാ പാർക്കിങ് സ്ലോട്ടുകൾക്കും ബാധകമാണ്. അൽ സുഫൂഹ് 2, ദി നോളജ് വില്ലേജ്, ദുബായ് മീഡിയ സിറ്റി, ദുബായ് ഇന്‍റർനെറ്റ് സിറ്റി തുടങ്ങിയ പ്രദേശങ്ങൾ ഇതിൽ ഉൾപ്പെടുന്നു. ഈ സോണിലെ പാർക്കിങ് സമയം രാവിലെ 8 മുതൽ രാത്രി 10 വരെ നീട്ടിയിട്ടുണ്ട്. നേരത്തെ ഇത് രാവിലെ 8 മുതൽ വൈകുന്നേരം 6 വരെയായിരുന്നു.

പുതിയ നിരക്കുകൾ ഇപ്രകാരം:

• 30 മിനിറ്റ് - ദിർഹം 2

• 1 മണിക്കൂർ - ദിർഹം 4

• 2 മണിക്കൂർ - ദിർഹം 8

• 3 മണിക്കൂർ - 12 ദിർഹം

• 4 മണിക്കൂർ - 16 ദിർഹം

• 5 മണിക്കൂർ - ദിർഹം 20

• 6 മണിക്കൂർ - ദിർഹം 24

• 7 മണിക്കൂർ - ദിർഹം 28

• 24 മണിക്കൂർ - 32 ദിർഹം

പഴയ നിരക്കുകൾ:

• 1 മണിക്കൂർ - ദിർഹം 2

• 2 മണിക്കൂർ - 5 ദിർഹം

• 3 മണിക്കൂർ - ദിർഹം 8

• 4 മണിക്കൂർ - 11 ദിർഹം

2025 മാർച്ച് അവസാനത്തോടെ പ്രീമിയം ഇടങ്ങളിൽ തിരക്കേറിയ സമയത്ത് കൂടുതൽ നിരക്ക് ഈടാക്കുമെന്ന് പാർക്കിൻ നേരത്തെ അറിയിച്ചിരുന്നു.

ഇത് പ്രകാരം പ്രീമിയം പാർക്കിങ് സ്ഥലങ്ങൾക്ക് മണിക്കൂറിന് 6 ദിർഹവും മറ്റ് പൊതു പണമടച്ചുള്ള പാർക്കിംഗിന് മണിക്കൂറിന് 4 ദിർഹവുമാണ്നിരക്ക്. രാവിലെ 8 മുതൽ 10 വരെയും വൈകിട്ട് 4 മുതൽ 8 വരെയുമാണ് പ്രീമിയം പാർക്കിങ് ഇടങ്ങളിൽ 6 ദിർഹം ഈടാക്കുന്നത്.

തിരക്കില്ലാത്ത സമയങ്ങളിൽ രാവിലെ 10 മുതൽ വൈകിട്ട് 4 വരെയും രാത്രി 8 മുതൽ 10 വരെയും നിരക്ക് മാറ്റമില്ലാതെ തുടരും. രാത്രി 10 മുതൽ രാവിലെ 8 വരെ പാർക്കിങ് സൗജന്യമായിരിക്കും. ഞായറാഴ്ചകളിൽ ദിവസം മുഴുവൻ.പാർക്കിങ് സൗജന്യമായിരിക്കും

ദുബായിൽ ആകെ എ മുതൽ കെ വരെ ലേബൽ ചെയ്തിട്ടുള്ള മൊത്തം 11 പാർക്കിങ് സോണുകൾ ഉണ്ട്. കാർ പാർക്കിങ് സോണുകളെ വാണിജ്യ, വാണിജ്യേതര, പ്രത്യേക മേഖലകൾ എന്നിങ്ങനെ മൂന്നായി തരം തിരിച്ചിരിക്കുന്നു.