ഷാർജ: സാമ്പത്തിക കേസുകളിൽ ജയിലിൽ കഴിഞ്ഞിരുന്ന 13 തടവുകാരെ ഷാർജ പൊലീസ്​ മോചിപ്പിച്ചു. ജയിലുകളിൽ കഴിയുന്ന തടവുകാരുടെ പുനരധിവാസവും കുടുംബങ്ങളുമായുള്ള പുന:സംയോജനവും ലക്ഷ്യമിട്ട്​ ആരംഭിച്ച ഫറജ്​ ഫണ്ടുമായി സഹകരിച്ച് ​ കട ബാധ്യതകൾ ​ഷാർജ പൊലീസ്​ തീർത്തതോടെയാണ്​ മോചനം സാധ്യമായത്​.

കുടുംബ ബന്ധങ്ങൾ ശക്​തിപ്പെടുത്തുന്നതിനും സാമൂഹിക സന്തുലിതാവസ്ഥ കൈവരിക്കുന്നതിനുമുള്ള ഷാർജ പൊലീസിന്‍റെ ​പ്രതിബദ്ധതയാണ്​ കുടുംബ ഫോറങ്ങളിലൂടെ പ്രതിഫലിക്കുന്നതെന്ന്​ ബ്രിഗേഡിയർ ജനറൽ ഡോ. അഹമ്മദ്​ അൽ നൂർ പറഞ്ഞു.