ദുബായ്: യുഎഇ യിൽ തിങ്കളാഴ്ച അന്തരീക്ഷം മേഘാവൃതമാവുമെന്നും കിഴക്കൻ പ്രദേശങ്ങളിൽ മേഘങ്ങൾ പ്രത്യക്ഷപ്പെടുമെന്നും ദേശീയ കാലാവസ്ഥാ കേന്ദ്രം അറിയിച്ചു. തെക്കുകിഴക്ക് മുതൽ വടക്കുകിഴക്ക് വരെയുള്ള മേഖലകളിൽ മണിക്കൂറിൽ 35 കിലോമീറ്റർ വരെ വേഗതയിൽ കാറ്റ് വീശും.

രാജ്യത്തിന്‍റെ ചില പ്രദേശങ്ങളിൽ താപനില 22°C വരെ താഴുകയും മറ്റ് ഭാഗങ്ങളിൽ 46°C വരെ ഉയരുകയും ചെയ്യും. ഞായറാഴ്ച യുഎഇയിലെ പല പ്രദേശങ്ങളിലും മിതമായതോ കനത്തതോയായ തോതിൽ മഴ പെയ്തു.

ചില പ്രദേശങ്ങളിൽ പൊടിക്കാറ്റ് വീശുന്ന സാഹചര്യത്തിൽ കാഴ്ച പരിധി കുറയുമെന്ന് അധികൃതർ അറിയിച്ചു.