മസ്‌ക്കറ്റ്: അന്താരാഷ്ട്ര കപ്പൽ ഗതാഗതം കൂടുതൽ സുരക്ഷിതമാക്കുന്നതിനായി ഹോർമുസ് കടലിടുക്കിൽ ഒമാൻ താത്കാലിക സമുദ്ര ഇടനാഴി ഒരുക്കുന്നു. ആഗോള വിപണിയിലേക്കുള്ള എണ്ണക്കപ്പലുകളുടെ സുഗമമായ നീക്കം ഉറപ്പാക്കാനാണ് ഒമാന്‍റെ ഈ നിർണായക നീക്കം.

തന്ത്രപ്രധാനമായ ഹോർമുസ് കടലിടുക്കിലൂടെ കടന്നുപോകുന്ന വാണിജ്യ-എണ്ണക്കപ്പലുകൾക്ക് സുരക്ഷിത പാത ഒരുക്കുക, അന്താരാഷ്ട്ര വ്യാപാരത്തിന് തടസമില്ലാതാക്കുക എന്നിവയാണ് ഇതിലൂടെ ഒമാൻ ഗതാഗത-വാർത്താവിനിമയ മന്ത്രാലയം ലക്ഷ്യമിടുന്നത്.

ഒമാന്‍റെ സമുദ്ര അതിർത്തിക്കുള്ളിൽ വരുന്ന പ്രദേശങ്ങളിലൂടെയാണ് ഈ താൽക്കാലിക ഇടനാഴി ക്രമീകരിക്കുന്നത്. കപ്പലുകൾക്ക് സുരക്ഷ ഉറപ്പാക്കാൻ നാവിക സേനയുടെയും കോസ്റ്റ് ഗാർഡിന്‍റെയും പ്രത്യേക നിരീക്ഷണവും ഈ പാതയിലുണ്ടാകും. ഒമാന്‍റെ ഈ പുതിയ ഇടപെടൽ ആഗോള ഊർജ്ജ വിപണിക്ക് വലിയ ആശ്വാസമാകും.